හිසකෙන් වර්ණ ගැන්වීම ගෙදරදි නම් කරන්නම එපා
Views l 2017-08-02 10:46:00 Share
නිවැරැදි ක්‍රමය : කෙස් ගසට කළු වර්ණය ලැබෙන්නේ මෙලනින් සංඝටකයෙනි. එය නැතිව ගිය විට කෙස් ගස සුදු හෝ දුඹුරු පැහැයට හැරෙයි. මේ නිසා හිසකෙස් කළු කිරීමට විවිධ මෙටලික් වර්ග (වතුරෙන් අනාගත්) බොහෝ දෙනා භාවිත කළත් මින් ඇතිවන අතුරු ආබාධ වැඩි බව නම් කිව යුතුමයි. වර්ණ ගැන්වීමට වඩාත් සුදුසු වන්නේ නව තාක්‍ෂණය භාවිත කරමින් සිදු කරන ඔක්සිකරණයෙන් වර්ණ කිරීමයි.

වර්ණ කිහිපයක් : හිසකෙස් වර්ණ ගැන්වීමේදී තෝරා ගත යුතු වන්නේ ඔබේ හිසකෙස්වල වර්ණයට ගැළපෙන ස්වභාවික වර්ණයි. තද කළු හා තද දුඹුරු එහිදී වඩාත් සුදුසුයි. එම වර්ණ අංක ලෙස මේ ආකාරයට මූලිකවම වර්ග කරයි.

ඡතචජඬ (1) , ඤචපඬඥඵබ ඡපධඹද (2), ඤචපඬ ඡපධඹද (3)

මෙම වර්ණ ක්‍රමයෙන් අවපැහැ වෙමින් ළා දුඹුරු පැහැය වනතෙක් එම වර්ණාවලිය වර්ග කෙරෙයි. නමුත් ආසියාතික රටවල වෙසෙන අපේ හිසකෙස්වලට ගැළපෙන්නේ තද කළු නොව අංක 2, 3 යන වර්ණයන්ය.

ආසාත්මික බව පරීක්‍ෂා කිරීම : හිසකෙස් වර්ණ ගැන්වීමට පෙර ඔබ ආසාත්මිකතා ඇතිවේදැයි පරීක්‍ෂා කර බැලීම කළ යුතුමයි. මේ නිසා පළමුව ඔබ සුදුසුකම්ලත් රූපලාවණ්‍ය ශිල්පියකු සිටින රූපලාවණ්‍යාගාරයකට ගොස් මේ පිළිබඳ ඔවුන් සමඟ සාකච්ඡා කරන්න. එවිට ඔබට ගැළපෙන වර්ණය තෝරා ගෙන කන පිටුපස හෝ අතේ වැළමිටේ ඇතුළු පැත්තෙ තරමක් ගල්වා පැයකින් පමණ සෝදා හරින්න. පැය 48ක් පමණ ඉන් වෙනසක් සිදුවේදැයි පරීක්‍ෂා කර බලන්න. තද හිසරදය හෝ ඇදුම වැනි රෝග ඇති වේ නම් ආසාත්මිකතා ඇති බව ඉන් හඳුනාගත හැකියි. එසේ නැත්නම් ඔබට ගැළපෙන වර්ණයෙන් හිසකෙස් වර්ණ ගැන්වීමට පුළුවන.

රූපලාවණ්‍යාගාරයකට යන්න : හිසකෙස් වර්ණ ගැන්වීම ඔබට තනිවම සිදු කර ගත නොහැකිය. ඔබේ හිසකෙස්වලට ගැළපෙන වර්ණය තෝරාගෙන ප්‍රමිතිගත නිෂ්පාදන භාවිත කර මෙය ඉතා ආරක්‍ෂාකාරීව කළ යුතු දෙයක් නිසාම ඔබ සුදුසුකම් සහිත රූපලාවණ්‍ය ශිල්පියකු වෙත ගොස් වර්ණ ගැනීම සිදු කර ගන්න. ආසාත්මිකතා පරීක්‍ෂාව සාර්ථකව ඔබට කළ හැකි වන්නේ රූපලාවණ්‍යාගාරයකදීය. කෙස් ගස් කොටස් වශයෙන් ගෙන හිසකෙස් පුරාම හොඳින් ගැල්වීමද ඔබට තනිවම කළ නොහැකියි. මේ නිසා වඩාත් සුදුසු වන්නේ මෙවැනි සත්කාර රූපලාවණ්‍යාගාරයකට ගොස් සිදු කර ගැනීමයි. තනිවම කර ගැනීමෙන් ජීවිතයට වුවද හානි ඇතිවිය හැකි බව මතක තබා ගන්න.

පරෙස්සම් වන්න : වර්ණ ගැන්වූ පසුව හිසකෙස් විශේෂිත ෂැම්පුවලින් සෝදාගෙන වර්ණ ගැන්වීම අවසන් කරන්න.

• මුහුදු ජලයෙන් ස්නානය

• තද උණු ජලයෙන් සේදීම

• ක්ලෝරීන් ජලයෙන් සේදීම

• සැර සබන් හෝ සැම්පු භාවිතයෙන් හිසකෙස් සෝදා හැරීම ආදිය මඟින් වර්ණ ගැන්වූ හිසකෙස්වලට හානිවන නිසා මේවායින් අෑත්ව සිටින්න.

නිවෙසේදී කළ හැකි එක ක්‍රමයයි : නිවෙසේදී හිසකෙස් වර්ණ ගැන්වීම එතරම් සුදුසු නොවුවත් රූපලාවණ්‍ය ශිල්පියකුගේ අනුමැතියෙන් ඔබට එවැනි සුදුසු වර්ණකයක් තෝරාගත හැකියි. මෙලෙස නිපදවූ ඩ්ධථඥනචජඬ ක්‍රිම් ටියුබ් 2ක් මිලදීගෙන ඒවා මිශ්‍රකර ස්නානය කළ පසු බුරුසුවකින් හිසකෙස්වල පීරා තවරා ගන්න.

sithmalyaya.com
Copyright © 2016 Gigies (Pvt) Ltd. All Rights Reserved
Email - webmaster@tharunaya.co.uk
Hot Line - 011 20 40 400
Design and Devoloped by:
Gigies(Pvt)Ltd