සුදු වුණාට වඩා ඉක්මනින් සම කළු කරන ෆෙයානස් ක්‍රීම්

Views l 2017-01-03 01:11:00 Share
ක්‍රීම් ඕනෙ කාටද : සාමාන්‍යයෙන් සමේ වර්ණය ගැන ගොඩක්ම අවධානය යොමු කරන්නෙ ආසියාතික අය. ආසියාතික අයගෙනුත් තලෙළු සමක් තියෙන අය. බටහිර රටවල සුදු හම අයට වගේම අප්‍රිකානු රටවල තද කළු හම තියෙන අයටත් සමේ පැහැය ගැන ප්‍රශ්නයක් නැහැ. ඒ අයට ෆෙයානස් ක්‍රීම් කිසිසේත්ම ඕනෙ නැහැ. ඒ අයට ඕනෙ සම සුදු කරගන්නවට වඩා සමේ පෝෂණීය බව රැකගන්නයි. ඉතින් මේ ආසියාතික තලෙළු සමක් තියෙන අය හැම තිස්සෙම සම සුදු කර ගන්න ඕනෙ කරන ක්‍රීම් වර්ග ආලේප කරන්න පුරුදු වෙලා ඉන්නවා. හැබැයි මේ විදියට පාවිච්චි කරන ක්‍රීම් වර්ග ගැන හරි විදියේ අවබෝධයක් තියෙන්නෙ සියයට දෙකකට තුනකට විතරයි කියලා වෛද්‍ය ගුප්තා කියනවා. අනිත් හැමෝම ක්‍රීම් ගාන්නෙ ඒ ක්‍රීම් එකේ ප්‍රමිතිය ගැන කිසිදෙයක් හොයන්නෙ බලන්නෙ නැතිව වෙළෙඳ දැන්වීම්වලින් කියන දේවල් විතරක් විශ්වාස කරලලු.

සමේ පිළිකා : ෆෙයානස් ක්‍රීම්වලින් අතුරු ආබාධ ගොඩක්ම එන්න පුළුවන්. ප්‍රධාන වශයෙන්ම දවස් දහයෙන් සුදු වෙන්න, දවස් තිහෙන් සිදුවෙන්න කියලා වෙළෙඳ දැන්වීම් දාන ක්‍රීම්වල වැඩියෙන්ම තියෙන්නේ බ්ලීචිං වර්ග. බ්ලීචිං වර්ගවලින් සම සුදු වෙනවා තමයි. හැබැයි ඊට වඩා වෙන්නෙ සම සුදුමැලි වෙන එක. ඒ කියන්නෙ දීර්ඝ කාලීනව මේ වගේ බ්ලීචිං වර්ග තියෙන ක්‍රීම් ආලේප කිරීමෙන් සම සුදුමැලි පැහැයක් ගන්නවා. ඒ විතරක් නෙවෙයි සම මත ඇතිවන පිළිකාවලටත් ඒක හේතුවෙක් වෙන්න පුළුවන්. අවුරුදු 35-40 විතර වෙද්දි පිග්මන්ටේෂන් ඇති වෙන්නත් මේ වගේ බ්ලීචිං වර්ග හේතු වෙනවා. ඒත් ඉතින් එහෙමයි කියලා බ්ලීචිං වර්ග තියෙන ෆෙයානස් ක්‍රීම්වල ඉල්ලුම නම් කිසිසේත්ම අඩු වෙලා නැහැ කියලත් ඇය කියනවා.

ටික කලකින් කළු වෙනවා : ඒ වගේම ෆෙයානස් ක්‍රීම්වලට යම් යම් මාත්‍රාවලින් අමෝනියා සහ හයිඩේ‍රාක්ලෝරීන් අම්ල අඩංගු වෙන අවස්ථාවත් තියෙනවා. මේ සංයෝග දෙකම ඉතාම අහිතකරයි. ඒ වගේම සමේ උච්චර්මය පිලිස්සීමකට ලක්කරලා තාවකාලිකව සුදු පැහැයක් ලබාදෙන්න මේ සංයෝග දෙකට හැකියාවක් තියෙනවා. ඒ කියන්නේ මේ වගේ අහිතකර දේවල් අඩංගු වෙලා තියෙන ෆෙයානස් ක්‍රීම් නිසා ඔබ ඉතාම ඉක්මනින් හරිම ලස්සන වෙනවා. සුදුම සුදු වෙනවා. හැබැයි ඒ පෙනුම රදා පවතින්නේ මාස අටක්, අවුරුද්දක් වගේ කාලයක් විතරයි. ඊට පස්සේ ඔබේ මුහුණ තිබුණාටත් වඩා කළු වෙන්න පුළුවන්. විරූපී වෙන්න පුළුවන්. වයසක පෙනුමක් ඇතිවෙන්න පුළුවන්. ඒ නිසා ෆෙයානස් ක්‍රීම් එකක් මිලදී ගන්න කලින් ඒවායේ ප්‍රමිතිය ගැන සැලකිලිමත් වෙන්න. ඒ වගේම ඕනෑම ෆෙයානස් ක්‍රීම් එකක් නිසා සම පැහැපත් වීමක් සිදුවෙන්නේ යම්තාක් ප්‍රමාණයක් දක්වා විතරයි. ඒ කියන්නේ කළු සම තියෙන කෙනෙක් බටහිර ජාතිකයෙක් තරම් සුදු වෙන්නේ නැහැ. ඒ නිසා ෆෙයානස් ක්‍රීම් ආලේප කිරීම මාස කීපයකට වරක් නතර කරන්න. අඩුම ගානේ අවුරුද්දකට වතාවක් මාසයක විතර කාලයක් කිසිම ෆෙයානස් ක්‍රීම් එකක් පාවිච්චි නොකර ඉන්න. ඒ වගේම ෆෙයානස් ක්‍රීම්වලට ඇබ්බැහි වෙන්නත් එපා.

ක්‍රීම් වෙනුවට : ෆෙයානස් ක්‍රීම් කියලා කියන්නේ ආලේප කරනකන් සුදුවට ලස්සනට ඉන්න පුළුවන් ජාතියෙ ක්‍රීම් එකක්. ආලේප නොකර හිටියොත් ආයෙත් කළු වෙන්න පටන්ගන්නවා. ඉතින් ඒ නිසා කෘත්‍රිම ෆෙයානස් ක්‍රීම්වලට වඩා ස්වාභාවික ක්‍රම මඟින් සුදුවට පැහැපත්ව ඉන්න උත්සාහ කරන්න කියලා ඇය කියනවා. ඒ කියන්නේ අඩුම තරමෙ දවසට වතුර වීදුරු 8ක්වත් පානය කරන්න. කහ පාට එළවළු පලතුරු ආහාරයට ගන්න. විටමින් සී කියන්නේ සිරුරට ඉතාමත් හොඳ මූලද්‍රව්‍යයක්. ඒ නිසා විටමින් සී සහිත පලතුරු ආහාරයට ගන්න. විටමින් සී කියන්නේ සිරුරට ඉතාමත් හොඳ මූලද්‍රව්‍යයක්. ඒ නිසා විටමින් සී සහිත පලතුරු වර්ගවලින් සමේ පැහැය දීප්තිමත් කර ගන්න පුළුවන්. ඒ වගේම තද අව්වට නිරාවරණය නොවී ඉන්න උත්සාහ කරන්න. පුළුන් හැම වෙලාවෙම ටිකක් විශාල කුඩයක් පාවිච්චි කරන්න. ඒ වගේම දහවල් තද අව්වේ කොහෙ හරි යනවා නම් ළා පාට ඇඳුම් විතරක් අඳින්න. තද පැහැති ඇඳුම් අඳින එකෙන් රස්නය වැඩි වෙනවා වගේම සම අව්වට පිච්චෙන්න තියෙන සම්භාවිතාවත් වැඩියි. මේ වගේ කරුණු අනුගමනය කරනවා නම් ෆෙයානස් ක්‍රීම් පාවිච්චි කරනවාට වඩා ඉක්මනින් සම පැහැපත් කර ගන්න පුළුවන් කියලා තමයි වෛද්‍ය ගුප්තා කියන්නෙ.
Wmqgd .ekSu ��ir weiqfrks
Copyright © 2016 Gigies (Pvt) Ltd. All Rights Reserved
Email - webmaster@tharunaya.co.uk
Hot Line - 011 20 40 400
Design and Devoloped by:
Gigies(Pvt)Ltd