Home / රූපලාවන්‍ය / කාර්යබහුල තරුණියන්ට රුව රැකගන්න පහසු ක්‍රම මෙන්න

කාර්යබහුල තරුණියන්ට රුව රැකගන්න පහසු ක්‍රම මෙන්න

2018-12-07 10:45:00       42
feature-top
සම ගැන බොහෝ දෙනෙක් සැලකිලිමත් වුණත් සම අභ්‍යන්තරයේ තිබෙන පද්ධති හා අභ්‍යන්තර පෝෂණය ගැනත් හිතන්නේ හරිම අඩුවෙන්.
කොයිතරම් ආලේපන ගැල්වුවත් මේකප් කළත් ශරීර අභ්‍යන්තරය ගැන සිතන්නේ නැත්නම් නිරෝගී සමක් ගැන සිතීම ඔබට සිහිනයක්ම විතරයි.
මේ අතරින් අද අපි කියන්න  යන්නේ ශරීරයේ ඇති උෂ්ණත්වය පිළිබඳවයි.

සමස්ත සිරුරේ ක්‍රියාකාරීත්වය හරිම සංකීර්ණයි.

අපේ ශරීරයත් විටෙක ක්‍රියාත්මක වන්නේ යන්ත්‍රයක් වගේ. සිරුරේ උෂ්ණත්වයත් වාහනයක එන්ජිම රත් වන ආකාරයටම උණුසුම් වෙනවා.
නමුත් වාහනයක් නතර කරලා තියනකොට ඒක රත් වෙන්නේ  නෑ.නමුත් අපේ ශරීරය රාත්‍රි නින්දේදී පවා නොනවත්වාම ක්‍රියාත්මකයි.
ශරීරයේ සියලුම පද්ධති මෙලෙස අඛණ්ඩව ක්‍රියාත්මකයි. මේ නිසා ශරීරයේ උණුසුම සෑම විටම අඩු වැඩි වන්නේත් එනිසාමයි.
ශරීර උෂ්ණත්වය නිතරම ඉහළ මට්ටමක පවතින අයගේ රූපයට මෙන්ම සමට නිතරම ගැටලුකාරී තත්ත්ව මතුවෙනවා.
මේ නිසා අපේ ශරීරයේ උෂ්ණත්වය සෑම විටම මනා පාලනයකින් යුතුව පවත්වා ගැනීම වැදගත් කරුණක් වෙනවා.

ඒ සඳහා ඔබට මෙවැනි නිසි චර්යාවන්ට අනුගත වීම වඩා වැදගත්.
අපගේ සෑම පද්ධතියකම නිසි ක්‍රියාකාරිත්වයට ජලය අත්‍යවශ්‍යම සාධකයක්.
ඔබ දිනකට අවම වශයෙන් වතුර වීදුරු 8ක්වත් පානය කළ යුතුමයි.

හොඳින් මුත්‍රා පිට කරන්න

අනෙක් වැදගත් කාරණය නම් සෑම පැය 6කට වරක්වත් වකුගඩුවලින් පෙරී එකතු වන මුත්‍රා පිටකර ගැනීම සිදුකළ යුතුය.
ඒත් කාර්යබහුලත්වය නිසා වායු සමීකරණ කාමරවල සිටීම හා අපිරිසුදු වැසිකිළි නිසාත් ඇතැම් කාන්තාවන් පැය 12 - 16ත් අතර කාලයක් අපහසුතාවයෙන් සිර කරගෙන සිටින අවස්ථා තිබෙන්නට පුළුවන්.
එවිට ශරීරයේ අපද්‍රව්‍ය පිට නොවීම නිසා ශරීර පද්ධතියට විශාල ලෙස බලපෑම් සිදුවීමේ හැකියාවක් පවතිනවා.
A/C එකේ ඉන්නවා නම්,

වායුසමීකරණ ස්ථානවල පැය 3කට වඩා වැඩ කරන සෑම දෙනාම අවම වශයෙන් මඳ රස්නෙ වතුර කෝප්ප හතරක්වත් පානය කිරීමට හුරුවිය යුතුය.
මොකද වාසුමීකරණය තුළදී පැයකට සැලකියයුතු වතුර හා දහදිය අප ශරීරයෙන් උරා ගන්නා බව බොහෝ අය නොදන්නා කරුණක්.
මේ නිසා හොඳින් ජලය පානය කිරීම පමණක්ම නොව සම වියළීම වළක්වා ගැනීමටත් තෙතමනය ආරක්‍ෂා කරන මොයිස්චර්රයිසින් ක්‍රීම් වර්ගයක් ගැනද ඔබ අවධානය යොමු කළ යුතුමයි.

සෑම විටම මුහුණ පිසදමන විටද මඳ රස්නෙ ජලයෙන් තෙත පොඟවාගත් තුවායක් ගෙන සෙමෙන් තවන ආකාරයට පිස දැමීමට පුරුදු කර ගන්න.

ඇතැම් කාන්තාවන් සබන් හා ටෝනර් වර්ග යෙදීමේදී එය සම මත තදින් පිරිමැදීමට පුරුදුව සිටී.
නමුත් මින් සිදුවන්නේ ඔබේ සමේ උෂ්ණත්වය තවදුරටත් වැඩි කරවීමය.

පෝෂණයේ වැදගත්කම

ඔබේ ආහාර රටාවත් මේ සඳහා තදින්ම බලපෑම් කරනවා.
තද කොළ පැහැති හා කොළ පැහැයට හුරු පලතුරු වර්ග ආහාරයට ගත යුතු වන්නේත් මේ නිසාමයි.
හැකි සෑම විටම මෙම පලතුරු උදේ ආහාරයට එක්කර ගැනීමට උත්සාහ ගන්න.
පේර වර්ග, ලොවි වර්ග හා නෙල්ලි ආදී පලතුරු මේ අතරින් ප්‍රධානයි.
ඒ අයුරින් පලතුරු වර්ග 2ක්වත් උදෑසන 10ට 11ට පෙර ආහාරයට ගත හැකි නම් එය වඩාත් ගුණදායකයි.

නමුත් ඇතැම් අය සිතා සිටින්නේ රාත්‍රි ආහාරය නොගෙන ඒ වෙනුවට පලතුරු පමණක් ආහාරයට ගැනීම ගුණදායක වන බවයි.
නමුත් මෙය වැරැදි මතයකි. එලෙස පලතුරු ආහාරයට ගැනීම නම් එතරම් ගුණදායක නොවන්නක්.
මේ නිසා අප පලතුරු  වුවද ආහාරයට ගත යුතු වන්නේ හිතුමනාපයට නොව ශරීරයට ගුණදායක වන ආකාරයටයි.

කෙතරම් කාර්යබහුල දිවියක් ගත  කලත් මෙවැනි නිසි ආහාර හා චර්යා රටාවන්ට අනුගත වන්නේ නම් නිරෝගී ජීවිතයකට හිමිකම් කියන්න ඔබටත් හැකිවනු ඇත.

(under the courtesy of hirutv.lk blog web)

More News »