Home / රූපලාවන්‍ය / කුරුලෑ සුව කරන විශේෂ ප්‍රතිකර්මයක්

කුරුලෑ සුව කරන විශේෂ ප්‍රතිකර්මයක්

2017-08-28 01:38:00       685
feature-top
මුහුණ නම් හරිම පැහැපත්. ඒත් ඒ පැහැපත් පෙනුම අවලස්සන කරන්නේ මුහුණපුරාම තියෙන කුරුලෑ බිබිලි. ඒ විතරක්ද කුරුලෑ බිබිලි නිසා ඇතිවන ලප කැළල්, සිදුරු. මේක නම් හරිම කරදරයක්. මෙය ඒ තරම් ප්‍රශ්නයක් කරගන්න එපා. ඔබේ කුරුලෑ කරදරය ඉවත් කරලා පැහැපත් පෙනුමක් ඔබට ලබා දෙන්න අපට පුළුවන්. ඒත් ඊට කලින් මේ කුරුලෑ ඇතිවීමට බලපාන හේතූන් මොනවද යන්න සොයා බලා ඒ අනුව නිසි ප්‍රතිකර්ම ලබා ගන්නට උනන්දු වෙන්න ඕනෙ. හරි විදිහට ප්‍රතිකාර කරනවා නම් කොහොමටවත් ඔබට කුරුලෑ නිසා ප්‍රශ්නයක් ඇතිවන එකක් නෑ.

ඇයි කුරුලෑ ඇති වෙන්නේ? හුඟාක් වෙලාවට හෝමෝන අසමතුලිතතාවයන් මෙයට බලපාන්නට පුළුවන්. ඒ වගේම සමට නොගැළපෙන යම් යම් ආලේපන පාව්ච්චි කිරීම, සමට ගැළපෙන නිෂ්පාදන තෝරා නොගැනීම, නිසි පරිදි මුහුණ පිරිසුදු නොකිරීම මෙයට හේතු වන්නට පුළුවන්. ඔබට තිබෙන්නේ තෙල් සහිත සමක් නම් එවන් සමක කුරුලෑ ඇතිවීමේ ප්‍රවණතාවය වැඩියි. හේතුව සමේ රෝම කූප හොඳින් පිරිසුදු නොවීමෙන් තෙල් සහිත සමක ඉතා පහසුවෙන් කුණු දූවිලි තැන්පත් වීමේ හැකියාව වැඩි නිසයි.

කුරුලෑ තිබෙන සමක් ආරක්ෂා කරගත යුත්තේ මොන ආකාරයෙන්ද? වෛද්‍ය ප්‍රතිකාර අවශ්‍ය තත්ත්වයක සිටිනවා නම් අනිවාර්යයෙන්ම ඒ සඳහා වෛද්‍ය ප්‍රතිකාර ලබාගත යුතුයි. ඒ හැරෙන්නට ස්වාභාවික ශාකසාර සහිත නිෂ්පාදන තෝරා ගැනීම ඉතා වැදගත්. කුරුලෑ සමක් තිබෙන අයෙක් ඉතා ප්‍රවේශමෙන් ආලේපන භාවිත කිරීමට කල්පනාකාරි වීම වැදගත්. විශේෂයෙන්ම තමන්ගේ සම අනුව ගැළපෙන ආලේපන තෝරා ගත යුතුයි. තෙල් සහිත සමක් නම් ආලේපන භාවිතය හැකිතාක් දුරට අඩු කරලා මුහුණ පිරිසුදුව තබා ගැනිමයි වඩාත් වැදගත් වන්නේ.

කුරුලෑ සුව කරන්නට සිදු කෙරෙන විශේෂිත ප්‍රතිකර්මයන් තිබෙනවාද? තිබෙනවා. මෙම ප්‍රතිකර්ම සිදු කෙරෙන්නේ සැලෝන්වලයි. මේ සඳහා විශේෂිත වූ උපකරණයක් අප මෙම ප්‍රතිකර්මයේ දී යොදා ගන්නවා. එම උපකරණය මඟින් සමට නොදැනෙන ඉතා සියුම් විදුලි ධාරාවක් ලබා දෙමින් සම පිරිසුදු කිරීමක් සිදු කරනවා. සමේ ගැඹුරටම කාවැදී ඉතාමත් හොඳින් සම පිරිසුදු කිරීමේ ක්‍රියාවලියක් තමයි මෙහිදී සිදුවන්නේ. කුරුලෑ සමක සහ තෙල් සහිත සමක ඔක්සිජන් ලැබෙන ප්‍රමාණය අඩුයි. එමනිසා මෙම ප්‍රතිකර්මයේ දී සමට අවශ්‍ය ඔක්සිජන් ලබාදීමක් සිදු කෙරෙනවා. මෙම අවස්ථාවේදී සමේ තිබෙන කුණු දූවිලි ඉවත්කර සමේ තැන්පත් වී ඇති අපද්‍රව්‍ය ඉවත් කිරීමක් සිදු කෙරෙන නිසා ප්‍රතිකාර කරන අතරතුර සමේ ලොකු වෙනසක් ඇතිවන ආකාරය දක්නට පුළුවන්. මෙම ප්‍රතිකර්මය සතියට වරක් බැගින් මාසෙකට හතර වරක් කිරීම අවශ්‍යයි. එය සිදු කෙරෙන්නේ එක් එක් අයගේ කුරුලෑ ඇති වී තිබෙන ස්වභාවය අනුවයි.

මෙම ප්‍රතිකර්මයෙන් අත්වන ප්‍රතිඵල කෙබඳුද? විශේෂයෙන්ම මෙම ප්‍රතිකර්මය සිදු කිරීමෙන් කුරුලෑ ලප කැළැල් ඉවත් කරගන්න පුළුවන්. සමේ සිදුරු එනම් රෝම කූප විවර වී තිබීම අඩු කළ හැකියි. ඒ වගේම කුරුලෑ නිසා සමේ ඇති වී තිබෙන වළවල් සිදුරු ආදිය නැතිකර ගත හැකි අතරම සමේ ස්වාභාවික පැහැපත් බව ඇතිවී නිරෝගී සමක් හිමි වෙනවා. පළමුවරට මෙම ප්‍රතිකාරය කරන විටම වෙනස අත්විඳින්න පුළුවන්.

මෙම ප්‍රතිකර්මය සිදු කිරීමේදී වයස් භේදයක් බලපානවාද? වයස් භේදයකින් තොරව මෙම ප්‍රතිකර්මය සිදු කළ හැකියි. ප්‍රතිකර්මය සිදු කිරීමෙන් පසුව සම ගැන සැලකිලිමත් වන්නට ඕනේ. ඉන්පසුව ස්වාභාවික ශාකසාර ඇති ෆේස්වොෂ්, ෆේස්පැක් ආදී ආලේපන භාවිත කිරීම වඩා සුදුසුයි. කුරුලෑ සමට සෑම ආලේපනයක්ම සුදුසු නොවන බවත් මෙහිදී මතක තබා ගැනීම වැදගත්.



Wmqgd .ekSu Èjhsk mqj;a m; weiqfrks

More News »